DIN QYZMETKERLERI ARASYNDA FÝTBOLDAN SAIYS ÓTTI

Astana qalasynyń bas ımamy Nurbek qajy Áýeshanulynyń bastamasymen Sport kúnine oraı elordadaǵy din qyzmetkerleri arasynda fýtboldan sporttyq saıys ótti.

«Táni saýdyń – jany saý» qaǵıdasyn negizge alǵan dodaǵa Astana meshitterinen jasaqtalǵan alty komanda qatysty. Jarys barysynda komandalar jasyl alańda ózara myqtyny anyqtap, tartysty oıyn kórsetti. Din qyzmetkerleri fýtboldaǵy sheberlikterin ǵana emes, komandalyq rýh pen uıymshyldyqtaryn tanytty.

Oıyn aıaqtalǵan soń Astana qalasynyń bas ımamy Nurbek qajy Áýeshanuly barlyq komandalarǵa alǵys bildirip, úzdik nátıje kórsetken oıynshylar men júldegerlerdi marapattady.

Saıys qorytyndysy boıynsha júldeli birinshi orynǵa «Áziret Sultan» komandasy ıe bolsa, ekinshi oryndy «Sádýaqas qajy Ǵylmanı» meshitinen quralǵan «Qyran» komandasy qanjyǵasyna baılady. Al, «Nursultan» meshitinen shyqqan «Beıbarys» komandasy úshinshi orynǵa taban tiredi.

 Qala bas ımamy sporttyń densaýlyqty nyǵaıtýmen qatar, ujymdyq birlikti bekemdep, áriptester arasyndaǵy ózara qarym-qatynasty arttyrýǵa yqpal etetinin atap ótti. Sonymen qatar saıysqa belsendi qatysqan barlyq din qyzmetkerlerine rızashylyǵyn bildirip, salaýatty ómir saltyn ustanýǵa shaqyrdy.

Источник: Aisha