«DIN MEN DÁSTÚR»: ASTANADA KELINDER SAIYSYNYŃ QORYTYNDY KEShI ÓTTI (FOTO)

QMDB Astana qalasy ókildiginiń uıymdastyrýymen «Din men dástúr» baǵyty aıasynda Astana qalasyndaǵy «Hanshatyr» oıyn-saýyq ortalyǵynda «Dástúrim, dinim – dińgegim» atty kelinder saıysyn qorytyndylaǵan kesh bolyp ótti.

Rýhanı qundylyqtarymyzdy pash etetin sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń bas ımamy Erbolat Júsipov, QMDB «Áıel-qyzdar» sektorynyń jetekshisi Dınara Qutqojaqyzy, «Áziret Sultan» meshitiniń ustazy Kúlsara Beket jáne áıel jamaǵaty men qyz-kelinshekter qatysty. 

Baǵzydan jalǵasyp, búginge deıin tizbektelip jetken qazaq kelinderine tán ádep pen ıba, úlkenge degen qurmet pen syılastyq, ádet-ǵurypqa degen beriktikti nasıhattaıtyn saıysta qatysýshy qyz-kelinshekter bar ónerin ortaǵa saldy. Kásibı ánshilerdiń qatysýymen dástúrli ánder shyrqalyp, jas aıtyskerlerdiń qatysýymen aıtys uıymdastyryldy.

Shara barysynda «Bastańǵy», «Besikke salý», «Kelin kóńili», «Qursaq shashý», «Óńirjıek taǵý», «Sálem salý», «Tabaq sálemi», «Tusaý kesý» syndy jón-joralǵylar oryndaldy. Sondaı-aq, jýyrda ǵana «Aq meshit» meshitinde ótken «Qazaqtyń kelinderi-aı!» atty saıys jeńimpazdary anyqtalyp, syılyqtarmen marapattaldy. 

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos