Destrýktıvti aǵymdardyń aldyn alý jumystary talqylandy (FOTO)
Keshe Astana qalasyndaǵy respýblıkalyq «Áziret Sultan» meshitinde destrýktıvti aǵymdardyń aldyn alý jumystary boıynsha Ádistemelik keńes músheleriniń otyrysy bolyp ótti. Astana ókildiginiń uıymdastyrýymen júzege asqan alqaly jıynǵa Astana qalasy Qoǵamdyq damý basqarmasynyń bas mamany Baýyrjan Dıhanbaev, Din problemalaryn zertteý ortalyǵy basshysynyń orynbasary, Marat Bektazınov, Din problemalaryn zertteý ortalyǵynyń teolog mamany Erhan Ybyshev, «Áziret Sultan» meshitiniń naıb ımamy, Astana ókildiginiń teris aǵymdarmen jumys baǵytyna jaýapty Nurlan Ramazanovtar qatysyp, ortaq oı qorytty.
Elorda boıynsha destrýktıvti aǵymdardyń aldyn alý jumystaryna jaýapty dinı qyzmetkerler bas qosqan jınalys barysynda jalpy jospar talqylanyp, birqatar usynystar aıtyldy. Meshit jamaǵaty boıynda teris aǵymdarǵa tosqaýyl bolarlyq ıman ımmýnıtetin qalyptastyryp, osy baǵyttaǵy túrli sharalar uıymdastyrý jaıy qozǵaldy. Atap aıtqanda, meshit jamaǵaty men shákirtteriniń dinı bilimin arttyrý maqsatynda túrli bilim saıystaryn, salaýatty ómir saltyn nasıhattaǵan sporttyq jarystar,semınar-trenıngter ótkizý jaıy atap ótildi.
Aıta keteıik, osydan birneshe jyl buryn QMDB tóraǵasynyń birinshi orynbasary, naıb múftı Narýyzbaı qajy Taǵanulynyń bastamasymen Astana ókildigi boıynsha destrýktıvti aǵymdarmen jumys júrgizetin arnaıy Ádistemelik keńes qurylyp, Elordamyzdaǵy eń bilikti mamandar jumyldyrylǵan bolatyn. Qazirgi tańda Ádistemelik keńes músheleri túrli mekemelerde, oqý oryndarynda, túzeý kolonııalarynda tabandy dáris júrgizip, teris aǵymdardyń aldyn alý jumystaryn jemisti júrgizip keledi.
