Demeýshiler «Áziret Sultan» meshitiniń shamdaryn aýystyrdy (FOTO)

Búgin respýblıkalyq «Áziret Sultan» meshitiniń ishki shamdary túgeldeı aýystyryldy. Sáýleti men sáni kelisken alyp meshittiń ajaryn arttyra túsken ıgi qadamǵa qalamyzdaǵy TekLED kompanııasy demeýshilik kórsetip, qajetti shamdary tegin jetkizip bergen bolatyn.

Aıta keteıik, elimizdiń Bas meshiti atanǵan «Áziret Sultannyń» qashanda kóz tartarlyq kórikti bolýy, jamaǵatqa jaılylyǵy men tazalyǵyn qalypty saqtap turý edáýir qarjy men qajyr-qaırat talap etedi. Osy oraıda, Allanyń jerdegi úıi – meshitterge jamaǵat tarapynan osy tektes demeýshilik sharalary jıi uıymdastyrylyp turady.

Búgingi ıgi sharaǵa uıytqy bolǵan TEKLED kompanııasynyń bas dırektory Mehmet Akaı myrzaǵa meshit basshylyǵy atynan alǵys aıtyp, rızashylyqtaryn bildirdi.