Dáýren Abaev Saýd Arabııasynyń Islam mınıstrimen kezdesti
Qazaqstan Respýblıkasynyń Aqparat jáne qoǵamdyq damý mınıstri Dáýren Abaev 2-aqpan kúni Er-Rııad qalasynda Saýd Arabııasy Koroldiginiń Islam mınıstri Ábdel Latıf ál-Sheıhpen kezdesip, dinı jat aǵymdardan japa shekken azamattardy ońaltý máselesin talqylady. Dáýren Abaev Qazaqstan Saýd Arabııasynyń Islamnyń rólin nyǵaıtýǵa, dinniń shynaıy, beıbitshilikti súıgish mánin nasıhattaýǵa baǵyttalǵan kúsh-jigerin joǵary baǵalaıtynyn atap ótti.
«Biz Saýd Arabııasynyń búgin de radıkaldy Ekstremızm men terrorızmge qarsy ymyrasyz kúres júrgizip jatqanynan habardarmyz. Qazaqstan árqashan terrorızmniń barlyq formasy men kórinisterinde aıyptap keledi. Sonymen birge halyqaralyq qaýymdastyqtyń osy qubylysty joıý úshin tıimdi ujymdyq kúsh-jigerdiń jumsalýyn qoldaıdy», – dedi mınıstr.
Sheıh Ábdel Latıf ál-Sheıh Saýd Arabııasy Koroldigi men Qazaqstan Respýblıkasy arasyndaǵy baýyrlastyq qatynastardyń tereńdigi men beriktigin erekshe atap ótip, Koroldiktiń Islam dini keń taralǵan elderdegi baýyrlastarymen qarym-qatynasty joǵary baǵalaıtynyn atap ótti.
«Meıirimdi ári ádiletti ımam Salman bın Ábdel Ázız Ál Saýd jáne onyń murageri – mártebeli hanzadanyń basshylyǵyndaǵy Koroldik búkil álemdegi musylmandardyń múddelerin eskerip, ıslamy dushpandary bolyp tabylatyn Ekstremıster men terrorısterdiń zııandy áserinen qorǵaý úshin qoldan kelgenniń bárin jasaıdy». – dedi sheıh.
Taraptar rýhanı jáne dinı saladaǵy ekijaqty yntymaqtastyqty damytý joldary týraly jáne Islamnyń qazirgi jaǵdaıynyń ózekti máseleleri boıynsha pikir almasty. Kezdesý qorytyndysy boıynsha mınıstrler radıkaldy dinı aǵymdardyń aldyn-alý jóninde, atap aıtqanda, halyqty Ekstremıstik dinı ıdeologııanyń áserinen qorǵaý boıynsha nasıhat jumystary arqyly tájirıbe men aqparat almasýǵa kelisti.
Saýd Arabııadaǵy áriptesterdiń ozyq tájirıbelerin zerdeleý aıasynda Dáýren Abaev Muhammed ben Naıf atyndaǵy ońaltý ortalyǵynyń qyzmetimen tanysyp, Qorǵanys mınıstrliginiń janyndaǵy Ideologııalyq soǵys ortalyǵynda boldy.
Sondaı-aq, Er-Rııadta Dáýren Abaev Saýd Arabııasynyń aqparat mınıstri Týrkı bın Abdýlla ál-Shabanmen kezdesti. Mınıstrler BAQ salasyndaǵy yntymaqtastyqtyń keleshegin talqylap, eki eldiń iri aqparattyq agenttikteri «QazAqparat» HAA men «Saýd Arabııasynyń aqparattyq agenttigi» arasynda memorandým jasasýǵa kelisti.
