Call ortalyq jyldyq jumysyn qorytyndylady (FOTO+VIDEO)

Osy jyly respýblıkalyq «Áziret Sultan» meshitinde ashylǵan dinı aqparat berý ortalyǵy búgin jyldyq jumysyn qorytyndylady. 

Jınalǵan jurtshylyqqa uıaly baılanys qyzmetinen bólek jýyrda qoldanysqa engen Whatsapp jáne Telegram jelisi arqyly suraq-jaýap júrgizý ıdeıasynyń júzege asqandyǵy málimdeldi. Odan bólek arnaıy QR kod oqıtyn qosymsha aqparattyq kómekshi quraldyń jumys isteý tártibi tanystyryldy. 

«Áziret Sultan» meshitiniń birinshi naıb ımamy Marat Bektazın: «Jyl basynan beri Elordamyzdaǵy eń bilikti din qyzmetkerleri 24 saǵat boıy 8 300 den asa suraqqa jaýap berdi. Budan bólek meshitke kelgen 900 adamnyń saýalyna qatysty pátýa berildi. Call ortalyq aldaǵy ýaqytta óz jumysyn qarqyndy túrde jalǵastyratyn bolady», dep atap ótti.  

Sondaı-aq, Call ortalyq qyzmetkerlerine Nur-Sultan qalasynyń bas ımamy, birinshi naıb múftı Naýryzbaı qajy Taǵanulynyń arnaıy alǵys haty tabys etildi. 

Aıta ketsek, búgingi kúni halyq suranysyna oraı, jaýapty mamandar qazaq jáne orys tilderinde suhbat júrgizip otyr. Call Ortalyqtyń táýlik boıy úzilissiz jumys jasaýy úshin Elorda meshittteriniń 60 dinı qyzmetkeri jumyldyrylǵan. Bilikti mamandardan jasaqtalǵan top arnaıy keste boıynsha kezekshilikterin atqaryp, táýliktiń kez kelgen ýaqytynda kelip túsken qońyraýǵa jaýap berip otyr. Ortalyqtaǵy mamandardyń tájirıbesin arttyrý maqsatynda Qazaqstan musylmandary dinı basqarmasy pátýa bóliminiń mamandary ımamdarǵa semınarlar ótkizip keledi. 

Sýretterdi «FOTOGALEREIa» aıdarynan kóre alasyzdar!