Call-ortalyq oqyrman saýalyn jaýapsyz qaldyrmaıdy

Ramazan aıy bastalǵaly QMDB-nyń Call-ortalyǵynda tynym joq. Táýlik boıy jumys isteıtin ortalyqtyń 33-30-30 nómirine kúnine birneshe qońyraý shalynady.

Ortalyq mamandarynyń aıtýynsha, oraza aıy kirgeli 722 qońyraý tirkelgen. Turǵyndardyń 120-sy – Ramazan aıyna,  228-i – qulshylyqqa, 86-sy – otbasylyq, 7-si – dinı aǵymdar, 53-i – nesıe-qaryz, saýda-sattyq, qalǵan 228-i ártúrli taqyryptaǵy suraqtar boıynsha qońyraý shalǵan.

Sol sekildi ortalyqtyń áleýmettik jelileri arqyly 618 suraq qoıyldy. Onyń 336-sy – Ramazan aıy, 127-si – qulshylyqqa qatysty, 2-eýi – teris aǵymdar týraly, 11-i – nesıe-qaryz saýda-sattyq jaıly, 128-i basqa da taqyryptar boıynsha suraq qoıǵan.

Eske sala keteıik, Bas múftı Naýryzbaı qajy Taǵanulynyń bastamasymen naýryz aıynda QMDB Ortalyq apparaty janynan Dinı aqparat ortalyǵy ashylǵan bolatyn. Suraqtar týyndaǵan jaǵdaıda Dinı aqparat ortalyǵyna (call-center) habarlasýǵa bolady. Ortalyqtyń bilikti mamandary táýlik boıy qazaq jáne orys tilindegi suraqtarǵa jaýap beredi.