BUU dinı nysandardy qorǵaý jobasyn jasap shyqty
Birikken Ulttar uıymy álemdegi túrli dinı nysandardy qorǵaýǵa qatysty jańa joba oılastyryp shyǵardy. Bul jaıynd uıymnyń bas hatshysy Antonıý Gýterresh málimdedi.
«Qazirgi ýaqytta dinı eskertkishterdi qıratyp-buzý oqıǵalary, musylmandarǵa degen óshpendilik, hrıstıandarǵa jasalǵan shabýyldar sekildi jabaıy áreketterdiń beleń alǵany bárimizge belgili», – deıdi ol. Onyń aıtýynsha, sońǵy bir aıdyń ishinde álem boıynsha sınagogada óltirilgen evreı, meshitke jasalǵan qarýly shabýyldan qaza tapqan musylmandar, qulshylyq ýaqytynda kóz jumǵan hrıstıandar oqıǵasy da tirkelgen eken.
«Men bul shabýyldardyń barlyǵyn da qatań aıyptaımyn. Jáne de qorqynyshym da bar. Dinı nysan – soǵys alańy emes, qulshylyq orny bolyp qalýy qajet», – dep ótken BUU Bas hatshysy jańa jobanyń memleketterge qoldaý kórsetip, qasıetti oryndardy qorǵaýǵa baǵyttalǵanyn jetkizdi.
