Býratınoǵa QMDB halal sertıfıkaty berildi (FOTO)

Alkogolsyz sýsyndar óndiretin «Jıgalma» JShS-ń «Ónim óndirýge, daıyndaýǵa, óńdeýge, saqtaýǵa, tasymaldaýǵa qoıylatyn jalpy talaptar» standarty boıynsha 4 túrli ónimine (Klassıkalyq Kompotaı, «Shıe» Kompotaı, «Jemis-jıdekti» Kompotaı, «Nastoıashıı Býratıno») «QMDB halal» sertıfıkaty berildi.

«Býratıno» sýsyny quramynda tek qana tabıǵı komponentter qosylǵan sýsyn retinde 70-jyldary Keńes Odaǵynda paıda boldy. Qarapaıym karameldi dám men lımon qyshqyly uzaq jyldar boıy sýsyndy eń tanymal ónim qataryna qosty.

Qazirgi tańda lımonad óndirý kúrdeli tehnologııalyq protsess nátıjesinde júzege asady.

«Jıgalma» mekemesinde «Halal ónimdi standarttaý jáne sertıfıkattaý» boıynsha tıisti jumystardy júrgizgen QMDB «Halal Damý» JShS-ń Almaty qalasy boıynsha jaýapty ókili Chadaev Marathan myrza:

«Nastoıashıı Býratıno» lımondy sýsynynyń negizgi quraýshy komponentteri sý men qant. Kómirlik-qumdyq súzgiden jáne bakterıtsıdti lampalyq tazartýdan ótken sý «shárbat» bólimine jóneltiledi. Ol jerde sýǵa qant qosylý protsessi oryndalady. Jasandy táttilendirgishter men olardyń ornyn almastyrǵyshtar qoldanylmaıdy. Kásiporyndaǵy jumys protsessi jáne Almaty qalasyndaǵy «Ulttyq Ekspertıza ortalyǵynda» ónimge júrgizilgen zerthanalyq tekseris nátejıesi «Nastoıashıı Býratıno» sýsynynda spırttiń paıyzdyq mólsheriniń múldem joq ekendigin kórsetti», -deıdi.

Nátıjesinde, Ekspert-tehnolog jáne sharıǵı keńesshi mamandardyń qorytyndy aktisinen keıin «QMDB halal» sertıfıkaty tabystaldy.

«Jıgalma» JShS-i meken-jaıy: Almaty qalasy, Gogol kóshesi, 221.