Bólim basshysy álemdik ǵulamalar konferentsııasyna qatysty (FOTO)

15-16 qazan kúnderi Kaır qalasynda Mysyr memleketi prezıdentiniń qoldaýymen jáne Mysyr pátýa bóliminiń uıymdastyrýymen «Fıqhı tartysty mádenıetti túrde sheshý» atty halyqaralyq konferentsııa bolyp ótti.

Konferentsııaǵa 83 memleketten mýftıler men din jónindegi mınıstrlik ókilderi, elshiler, Islam áleminiń kórnekti ǵalymdary qatysty.

Elimiz tarapynan atalmysh konferentsııaǵa Qazaqstan musylmandary dinı basqarmasy Sharıǵat jáne pátýa bóliminiń meńgerýshisi Sansyzbaı Qurbanuly bardy.

Eki kúnge sozylǵan konferentsııada fıqhı tartystardy mádenıetti túrde sheshý, sondaı-aq pátýa berýge qatysty kóptegen máseleler qaraldy. Sonymen qatar Orta Azııa elderiniń árbir múftıliginen bir adamnan osy jıynǵa múshe etip taǵaıyndaý kerektigi jóninde uıymdastyrýshy tarapqa usynys aıtyldy.

Mysyr eliniń qoldaýymen ótken bul konferentsııanyń musylman álemine ǵana emes búkil adamzatqa berer paıdasy mol.

Sansyzbaı Qurbanuly sapar aıasynda Mysyr elinde bilim alyp jatqan otandastarymyzben kezdesip, Bas múftı Serikbaı qajy Orazdyń ystyq sálemin jetkizdi.