Bolashaq qajylar sabaq ala bastady

Endi birsydyrǵy ýaqyttan keıin musylmandar qasıetti Mekkege qajylyq paryzdaryn óteýge attanady. Bul saparǵa kókshelik namazhandar da jan-jaqty daıyndyq jasaýda. Qazir «Naýan haziret» ortalyq meshitinde bolashaq qajylarǵa arnalyp, dáris sabaqtary bastaý aldy.

Meshittiń naıb ımamy Meıirjan Rahmatýllaulynyń aıtýynsha, qazir kúnine eki mezgil bes paryzdyń birin oryndaý amaldary jaıly aqparattar beriledi. Qajylyq paryzdy óteý barysynda qasıetti jerdegi ár basqan qadamyńnan saýap esip turady. Imamdar osy jaıly aıtyp, saýaldarǵa tolymdy jaýaptar qaıtarady. Sebebi, qajylyqty óteý kezinde aıtylatyn duǵa tilekterdi jattap, dinı joralǵylardy bilip barýdyń mańyzy zor. Bul Múftııat tapsyrmasymen qolǵa alynǵan dárister, deıdi naıb ımam.
Qajylyqqa alǵash barǵaly otyrǵan Shııap Álıevti sózge tartqanymyzda: “Meshittegi ár sabaqty bosatpaımyn, ár dáris bizdiń kókiregimizge dinı bilim nuryn quıady»,- dedi ol.