Elorda kúni qutty bolsyn! - Naýryzbaı qajy Taǵanuly

Qurmetti aǵaıyn, qadirli qazaq jurty!

Barshańyzdy Elorda kúnimen shyn júrekten quttyqtaımyn!

Uly dala astanasynyń abyroı-ataǵy asqaqtap, kún sanap ajar-sáýleti artyp kele jatqanyna kóz súısinip, kóńil toıǵandaı. Egemen elimizdi erteńge jetelegen Bas qalamyz – birlik pen berekeniń toǵysqan mekeni, ıgiliktiń bastaý bulaǵy ispetti.

San túrli armandar oryndalyp, san qıly taǵdyrlar toǵysqan Nur-Sultan qalasy búginde elimizdiń júregi ispetti kúlli qazaq dalasyna qan júgirtip, bolashaqqa bastap keledi. Astana bolyp jarııalanǵaly jıyrma jyldyń ishinde jan tanymastaı jańarǵan jas shaharymyz búginde tórtkúl álemge tanylyp úlgerdi. Álemdik deńgeıdegi túrli basqosýlar men kórmelerge kýá bolǵan qala turǵyndarynyń da qatary artyp, búgingi tańda bir mıllıon jan baqytty ǵumyr keshýde.

Zamana kóshindegi táýelsiz elimizdiń tuǵyry bıik, Elordasy eńseli bolǵaı!

Naýryzbaı qajy Taǵanuly

QMDB tóraǵasynyń birinshi
orynbasary, naıb múftı,
Nur-Sultan qalasynyń bas ımamy