Naıb múftı jamaǵatpen júzdesti (FOTO)

Qazaqstan musylmandary dinı basqarmasy tóraǵasynyń birinshi orynbasary, naıb múftı, Nur-Sultan qalasynyń Bas ımamy Naýryzbaı qajy Taǵanuly «Nur Astana» meshitindegi  ár senbi saıyn ótkiziletin «Rýhanı dastarhan» jobasy aıasynda jamaǵatpen júzdesti.

Kezdesý aıasynda naıb múftı «Qurandaǵy musylmandarǵa tán jeti sıpat» taqyrybynda jınalǵan jamaǵatqa nasıhat aıtty. «Múmınnýn» súresinde baıandalǵan musylmandarǵa tán sıpattar: ıman keltirý, namazda ishteı jalbaryný, bos nárselerden aýlaq bolý, zeket berý, uıatty jerlerin kúnádan saqtaý, amanat pen ýádege adaldyq, namazǵa uqyptylyq sııaqty musylmannyń rýhanı kelbetin qalyptastyryp, jan dúnıesin izgilikke bastaıtyn qasıetter týraly jan-jaqty túsindirip berdi.

«Rýhanı jańǵyrý» satysyndaǵy Uly Dala tósindegi táýelsiz  Otanymyzdyń  Máńgilik el bolýy úshin azamattardyń rýhanı, mádenı sapasy joǵary bolýy asa qajetti krıterlerdiń biri deýge bolady. Azamattardyń boıynda otansúıgishtik, adaldyq, ádildik, jomarttyq, arlylyq, amanatshyldyq, t.b. asyl qundylyqtardyń qalyptasýy men búgingi tańdaǵy ózekti dinı másele bolǵan jat aǵymdardyń jeteginen saq bolyp, dinin saqtaǵan, dástúrin ustanǵan momyn-musylmandardan bolý úshin joǵaryda sóz etilgen jeti qundylyqtyń ózindik mańyzy bar», - dedi Naýryzbaı qajy Taǵanuly.