Birinshi naıb múftı Tatýlasý ortalyǵynyń jumysymen tanysty (FOTO)

Búgin QMDB tóraǵasynyń birinshi orynbasary, naıb múftı Naýryzbaı qajy Taǵanuly Nur-Sultan qalasyndaǵy Tatýlasý ortalyǵynyń jumysymen tanysyp, ortalyq qyzmetkerlerimen kezdesti. Arnaıy ótken kezdesýge «Tatýlasý: sotqa deıin, sotta» jobasynyń jetekshisi S.Súleımen, joba ákimshisi Á.Túlkıev, Ortalyq qyzmetkerleri R.Baımuratova, A.Jamanova, medıator S.Júkenova, psıholog N.Býkatovalar qatysyp, Tatýlasý ortalyǵynyń jumys barysymen tanystyrdy.

Basqosý aıasynda qonaqtar Tatýlasý ortalyǵynyń jumys baǵyttarynan habardar bolyp, qoǵamdyq jáne otbasylyq kıkiljińderdi azaıtyp, azamattardy tatýlastyrý jumysynń ortaq tetikteri jaıly talqylady. Naıb múftı Naýryzbaı qajy Taǵanuly Tatýlasý ortalyǵynyń jumysyna oń baǵasyn bildirip, ortaq múdde aıasynda birige jumys jasaýǵa shaqyrdy.

Aıta keteıik, atalmysh ortalyqta qazirgi kezde Bıler keńesi jobasy ázirlený ústinde kórinedi. Jańa joba kezdesý qonaqtarynyń qoldaýyna ıe bolyp, jumys baǵyttary talqylandy.

Sýretterdi «FOTOGALEREIa» aıdarynan kóre alasyzdar!