Birinshi naıb múftı Quran tápsiri boıynsha dáris bastady (FOTO)

QMDB tóraǵasynyń birinshi orynbasary, naıb múftı Naýryzbaı qajy Taǵanuly keshe «Áziret Sultan» meshitiniń jamaǵatymen kezdesý ótkizip, Quran tápsiri boıynsha alǵashqy dáris ótkizdi. «Safýatýt táfasır» kitaby negizinde josparly túrde ótip turatyn tápsir dáristeriniń alǵashqy sabaǵy «Qurannyń anasy» atalatyn Fatıha súresinen bastaldy.

Súreniń ataýlarynan bastap, árbir sózine tereńdeı taldaý jasaǵan naıb múftı ýaǵyzyn jamaǵat siltideı tynyp otyryp tyńdady. Kúndelikti oqylyp júrgen súre astarynda qanshalyqty qupııa jasyrynyp, qandaı saýaptar baryn bilgen saıyn ynta-yqylastary da arta túskendeı. Tyń derekterge qanyǵyp, bilimderin tolyqtyra túsken meshit jamaǵaty tápsir dárisiniń turaqty túrde ótip turatynyn estigende tipten qýana tústi.

Dáristiń beıne nusqasyn saıtymyzdyń «Vıdeo» aıdarynan kóre alasyzdar!