Birinshi naıb múftı Muslim.kz ujymyn kásibı merekelerimen quttyqtady (FOTO)

Respýblıkalyq «Áziret Sultan» meshitiniń resmı portaly Muslim.kz saıtynyń ǵalamtor kóshine alǵash qosylyp, halyq rýhanııatyna ózindik úlesin qosyp kele jatqanyna bıyl jetinshi bolmaq. Osy jyldar ishinde tyń tájirıbeler jınaqtap, jumystyń júıesin tapqan Muslim.kz saıty búginde óz oqyrmany ornyqqan, baǵyt-baǵdary qalyptasqan bedeldi portaldardyń birine aınalyp otyr. Meshit basshylyǵynyń qoldaýymen birneshe ret sońǵy tehnologııalyq múmkindikterdi paıdalana otyryp, saıt nusqasynyń jańartylyp otyrýy da osy jetistikterge jol ashyp keledi. Kúndelikti jarııalanyp turatyn Islam álemindegi jańalyqtar, túrli taqyryptarǵa bólingen maqalalar, vıdeo jáne aýdıo ónimderden bólek, qazirgi tańda saıt betinde namaz úıretý úlgisi, test suraqtary, 3D saıahat sekildi qosymshalardyń bolýy da Bas meshittegi baspasóz salasyna kórsetken qamqorlyq pen qoldaýdyń arqasy ekeni sózsiz.

Qasıetti jumaǵa tuspa-tus kelgen jýrnalıst qaýymynyń tól merekesinde de Muslim.kz portalynyń qyzmetkerlerine aıryqsha qurmet kórsetildi. «Áziret Sultan» meshitiniń bas ımamy, naıb múftı Naýryzbaı qajy Taǵanuly saıt ujymymen arnaıy kezdesý ótkizip, búgingi kásibı merekelerimen quttyqtady. «Áziret Sultan» meshitiniń arnaıy «Alǵys hatyn tabystap, jumystaryna sáttilik tiledi.