Birinshi naıb múftı din janashyrymen kezdesti (FOTO)

QMDB tóraǵasynyń birinshi orynbasary, naıb múftı Naýryzbaı qajy Taǵanuly búgin «Áziret Sultan» meshitinde otandyq kásipker Dýlat Tursynulyn Qabyldady. Búginde kásibin órge domalatqan Dýlat Tursynulynyń elimizdiń din salasyna demeýshilik jasap, qoldaý tanytyp kele jatqanyna birneshe jyldyń júzi bolǵan. Qajyrly eńbeginiń arqasynda búginde TAS group kompanııalar tobynyń quryltaıshysyna aınalǵan Dýlat Tastekeevtiń qaıyrymdylyq sharalaryna qoldaý kórsetýmen aınalysatyn Assyltas qory jemisti eńbek etip keledi.

Kásipkerdiń qoldaýymen jaqynda Semeı qalasyndaǵy uzaq ýaqyttan beri toqtap turǵan Ortalyq meshit qurylysy jandanyp, jergilikti halyqtyń qýanyshy kóbeıe túsken edi. Budan bólek, eki aýylǵa meshit turǵyzyp bergen atalmysh qordyń qaıyrymdylyq baǵytyndaǵy eńbekteri jalǵasyp kete beredi.

Asyl dinimizde qolǵa bitken baılyqtyń basqalarǵa sharapatyn tıgizip, qaıyrymdylyqqa jumsaýdyń mańyzdylyǵyn atap ótken Naýryzbaı qajy Taǵanuly kezdesý barysynda óz iltıpatyn bildirip, Dýlat Tursynulyna izgi lebizin jetkizdi. Qaıyrymdylyq sharalaryna qoldaý kórsetip, dinge tanytqan janashyrlyǵy úshin QMDB tóraǵasy, Bas múftı Serikbaı qajy Orazdyń arnaıy «Alǵys hatyn» tabystady.

Sýretterdi «FOTOGALEREIa» aıdarynan kóre alasyzdar!