Birinshi naıb múftı amerıkalyq sarapshylarmen suhbattasty (FOTO)

Qazaqstan musylmandary dinı basqarmasy tóraǵasynyń Birinshi orynbasary, «Áziret Sultan» meshitiniń Bas ımamy Naýryzbaı qajy Taǵanuly Amerıka Qurama Shtattary Memlekettik departamentiniń dinı azshylyq jónindegi arnaıy keńesshisi Noks Temz bastaǵan delegatsııany qabyldady.

Kezdesýge Qazaqstan tarapynan QMDB Apparat basshysy Ǵylymbek Májıev, «Áziret Sultan» meshitiniń Birinshi naıb ımamy Marat Bektazınov, Amerıka tarapynan AQSh Memdepartamentiniń demokratııa isteri, adam quqyǵy jáne eńbek Bıýrosynyń halyqaralyq dinı erkindik basqarmasynyń qyzmetkeri Robın Shýlman, Halyqaralyq dinı erkindik jónindegi AQSh Komıssııasynyń sarapshysy Djeıson Morton, osy Komıssııanyń zertteýshisi Kılı Bakken, AQSh Dıplomatııalyq mıssııasynyń basshysy Teodor Lıng, AQSh Elshiliginiń Birinshi hatshysy Pol Iýkıch, AQSh Elshiliginiń Ekinshi hatshysy Karl Loren KoEn qatysty.

Kezdesýde Naýryzbaı qajy Taǵanuly sarapshylarǵa Qazaqstannyń álemdik dinı tatýlyq pen kelisimdi nyǵaıtý baǵytyndaǵy halyqaralyq bastamalaryn baıandap, QMDB jumys júıesi men respýblıkalyq meshit  «Áziret Sultannyń» tynys-tirshiligi jaıly áńgimelep berdi. Sonymen qatar, elimizdegi dinı oqý oryndarynyń jumysy týraly habardar etti.

Sarapshylar álemde oryn alǵan lańkestik oqıǵalardyń qaýpi jaıly, kez-kelgen terrorlyq áreketke tózbeýshilik sezimdi oıatý, dinı dostyq pen kelisim qundylyqtaryn arttyrý týraly pikir alysty.

Resmı qabyldaýdan keıin qonaqtar «Áziret Sultan» meshitiniń sáýlet ónerimen tanysty.