Bir jylda 148 kásiporyn «QMDB Halal» sertıfıkatyna ıe boldy (FOTO)

Múftııat janyndaǵy «Halal damý» JShS 2018 jyly 148 kásiporynǵa «QMDB halal» sertıfıkatyn berdi. Bul týraly QMDB Halal standarttaý bóliminiń meńgerýshisi Beıbit Myrzageldıev málimdedi. Onyń aıtýynsha, búginde 351 kásiporyn QMDB-nyń halal sertıfıkatyna ıe bolǵan.

Elimiz boıynsha, 66 dámhana, 58 et ónimderi, 30 shujyq ónimderi, 25 tamaq óndirisi, 4 qus fabrıkasy, t.b. kásiporyndar sertıfıkattaýdan ótken.

«Búgingi kúnge deıin 1002 ónim arnaıy laborotorııalyq zerthanada tekserýden ótti. Qyzmetimizdi halyqaralyq deńgeıge kóterý maqsatynda Lıtva, Belorýs elderindegi halal standarttaý uıymdarymen ekijaqty memorandým qabyldadyq. Bıylǵy jyldyń basty jetistigi: «Halal damý» JShS-i malaızııalyq JAKIM halyqaralyq uıymynyń tizimine endi. Bul – bizdiń jumysymyz halyqaralyq standart talaptaryna sáıkes keledi degen sóz», – dep atap ótti B.Myrzageldıev.

Sonymen qatar, QMDB Halal standarttaý bóliminiń mamandary 2018 jyly 716 ımamǵa arnaıy semınar júrgizdi.