Bilim jáne ǵylym mınıstri Bas múftıdi quttyqtady (FOTO)

Bilim jáne ǵylym mınıstri Ashat Aımaǵambetov QMDB Tóraǵasy, Bas múftı Naýryzbaı qajy Taǵanulyna quttyqtaý hat joldady.

«Bul mártebeli mindet uzaq jyl boıy eldegi dinı ahýaldy jaqsartý, halqymyzdyń tól rýhanııaty ıslam dinin nasıhattaý jáne ony ornyqtyrý baǵytynda atqarǵan qajyrly eńbegińizdiń elenýi dep bilemin. Nur-Sultan qalasy halqynyń dinı saýatyn arttyrýda jáne keler urpaqqa tárbıe berý, otandastarymyzdyń rýhanı áleýetin qalyptastyrýǵa qosqan úlesińizdi, sondaı-aq musylman qaýymy kómekke muqtaj jandarǵa qol ushyn berip, qoǵamdaǵy gýmanıstik qundylyqtardy barynsha nyǵaıtýǵa belsendi atsalysyp júrgenińizdi joǵary baǵalaımyn. Aldaǵy ýaqytta da dinı ahýaldy jaqsartý jáne azamattarymyzdyń boıynda adamgershilik qundylyqtaryn qalyptastyrý baǵytynda tabysty eńbek atqaratynyńyzǵa senimdimin» delingen quttyqtaý hatynda.

​