Bilim báıgesiniń jeńimpazy Umra saparyna attandy

Almaty qalasynda ótken «Rabbym, bilimimdi arttyr!» atty saıystyń jeńimpazy kishi qajylyq saparyna attandy dep habarlaıdy Almaty qalasy ortalyq meshitiniń baspasóz qyzmeti.

Esterińizde bolsa, Almaty qalasy Ortalyq meshitiniń Bas ımamy Erkinbek qarı Kerimbekulynyń bastamasymen ústimizdegi jyldyń Ramazan aıynda meshit jamaǵaty arasynda «Rabbym, bilimimdi arttyr!» saıysy uıymdastyrylǵan bolatyn. Atalǵan saıysqa 600-den astam úmitker qatysyp, óz baqtaryn synaǵan bolatyn.                   

Bilim báıgesiniń jeńimpazdaryn saltanatty túrde marapattaý rásimi qasıetti Qadir túni kúni kópshilik jamaǵattyń aldynda ótkizilip, Umra saparyna arnalǵan joldamany Qazaqstan musylmandary dinı basqarmasynyń Almaty qalasy boıynsha ókil ımamy Erkinbek qarı Shoqaev tabystaǵan edi.

Soǵan oraı, «sabaqty ıneniń sáti» endi túsip, «Dostyq trevel» qajylyq kompanııasynyń dırektory Abdýsamat Arıpov óz demeýshiligimen saıystyń bas júldegeri – Tórehanov Muhammed kishi qajylyq saparyna attandy.