Beıjińde qazaq mádenı ortalyǵy ashylady
![](/img/news/203535a2a78309f47ec9ff848e1ed5e1.jpeg)
Mádenıet jáne aqparat mınıstri Aıda Balaeva Astanadaǵy ShYU sammıtiniń nátıjeleri boıynsha aqparat jáne mádenıet salasynda qandaı ýaǵdalastyqtar ornaǵanyn aıtyp berdi. «Munda eki aspektini qarastyrý kerek. Birinshisi – Qytaı Halyq Respýblıkasynyń kóshbasshysy Sı Tszınpınniń sapary. Onyń memlekettik sapary aıasynda mádenı-gýmanıtarlyq baǵyt boıynsha kelisimderge qol qoıyldy.
Atap aıtqanda, Astanada qytaı mádenı ortalyǵyn jáne Beıjińde – qazaq mádenı ortalyǵyn ashamyz. Zań qazirdiń ózinde ratıfıkatsııalanǵan jáne iske kirise alamyz. Bul Qazaqstan-Qytaı qatynastary tarıhynda tuńǵysh ret bolyp otyr. Alǵash ret mundaı yntymaqtastyq ınstıtýtsıonaldy túrde júzege asyrylýda jáne árıne, bul mádenı ortalyqtar eki el halyqtarynyń bir-birimen jaqynyraq tanysýyna yqpal etedi», dedi mınıstr Silk way telearnasyna bergen suhbatynda.
Onyń aıtýynsha, Beıjińdegi mádenı ortalyq halyq kóp júretin týrıstik oryn – Arbat mańynda ornalasqan. Mádenı ortalyqtardyń qyzmeti aıasynda ádebı sala, kontserttik qyzmet jáne beıneleý óneri syndy máselelerdiń barlyq spektri qamtylady.
Aqparat jáne kıno óneri salasyndaǵy kelisimder jaqyn arada naqty jobalar túrinde óz nátıjelerin beredi.
«Sondyqtan ShYU-ǵa tóraǵalyq etý jáne tutastaı alǵanda ShYU uıymyna kiretin elderdiń ózara is-qımyly birqatar máseleni sheshýge yqpal etedi. Atap aıtqanda, bizdiń mınıstrlik seriktestermen óte tyǵyz qarym-qatynasta jáne bizdiń elderimiz arasyndaǵy ekijaqty qarym-qatynastardyń damýyna yqpal etetin birlesken jobalar paıda bolýda. Keshe bizdiń kóshbasshylarymyz Qytaı men Qazaqstannyń ózara is-qımyly jańa sapaly deńgeıge kóterilgenin, bul bizdiń elderimiz arasyndaǵy ózara is-qımyldyń jańa dáýiri ekenin rastady. Sondyqtan bári, eń aldymen, memlekettik organdardyń qalaı jumys isteıtinine jáne qarym-qatynastardy odan ári nyǵaıtýǵa jáne tereńdetýge yqpal etetinine baılanysty», – dep tolyqtyrdy sózin A. Balaeva.