«Qaıyrymdy juma» aktsııasy jalǵasyn tapty (FOTO)

Búgin, qasıetti juma kúni respýblıkalyq «Áziret Sultan» meshitinde kópbalaly jáne jalǵyzbasty analarǵa azyq-túlik sómkeleri taratyldy. Atalmysh qaıyrymdylyq sharasy 8-naýryz halyqaralyq áıel-qyzdar merekesine oraı uıymdastyrylyp otyr.

«Áziret Sultan» meshitiniń naıb ımamy Jumanazar Sadyrhanuly men is basqarýshy Meırambek Rsymov Almaty aýdanynda turatyn kópbalaly jáne jalǵyzbasty analarǵa (50-ge jýyq otbasy) azyq-túlik sómkelerin taratyp berdi. Kelýshi jamaǵat arasynan jasy úlkender aq batasyn berip, alǵystaryn jetkizdi.

Elordamyzdaǵy bas meshit qashanda muqtajdarǵa qol ushyn berip, qaırymdylyq jasap keledi. Aıta ketsek, osy aptanyń basynda «Jyly júrekten» qaıyrymdylyq aktsııasy aıasynda 30 muqtaj otbasyǵa azyq-túlik taratylǵan bolatyn.

Sýretterdi «FOTOGALEREIa» aıdarynan kóre alasyzdar!