Belgili psıholog «Áziret Sultan» meshitinde semınar ótkizdi (FOTO)

Respýblıkalyq «Áziret Sultan» meshitiniń «Inabat» qyz-kelinshekter klýbynyń uıymdastyrýymen ár apta saıyn Bas meshittiń áıel jamaǵatyna túrli semınar sabaqtary, rýhanı kezdesýler kóptep ótip keledi. Buǵan deıin qoǵam qaıratkeri Orazkúl Asanǵazyqyzy, belgili kıim dızaıneri Dana Nábı, aıtysker aqyn Sara Toqtamysova, taǵy basqa tanymal jandarmen júzdesý ótkizgen «Inabat» klýbynyń kezdesý alańyna búgin kásibı psıholog Marzııa Bekaıdar shaqyryldy.

Kezdesý barysynda «Adamı qarym-qatynas psıhologııasy» taqyryby aıasynda sóz órbitken psıholog hanym jınalǵan jamaǵatqa qoǵam músheleri arasyndaǵy qarym-qatynas, januıa arasyndaǵy qarym-qatynas túrlerin ǵylymı tilde túsindire kele, túrli kıkiljińder men daý-damaıdy boldyrmaý jáne sheshý tetikterimen tanystyrdy.

Kezdesý sońynda «Áziret Sultan» meshitiniń jamaǵat ájeleri aq batalaryn jaýdyryp, qyzyq jaıttar men qundy keńestermen baıytqan Marzııa Bekıadarqyzyna óz rızashylyqtaryn bildirdi. Sondaı-aq, «Inabat» klýbynyń atynan qurmetti qonaqqa qasıetti Quran kitaby tartý etilip, arnaıy «Alǵys hat» tabystaldy.

Sýretterdi «FOTOGALEREIa» aıdarynan kóre alasyzdar!