Batyrjan Mansurov – Ǵulamalar Keńesiniń hatshysy (FOTO)

Búgin Bas múftı Naýryzbaı qajy Taǵanulynyń buıryǵymen Ýaǵyz-nasıhat bóliminiń meńgerýshisi, belgili ǵalym, PhD doktory Batyrjan Mansurov Qazaqstan musylmandary dinı basqarmasy Ǵulamalar keńesiniń hatshysy bolyp taǵaıyndaldy.

Pavlodar qalasynda ótip jatqan keńestiń kezekti kóshpeli májilisinde Bas múftı Naýryzbaı qajy Taǵanuly: «Ershat qajy Aǵybaıuly Ǵulamalar keńesiniń hatshysy retinde keńestiń jumysyn joǵary deńdeıde úılestirip, jaqsy nátıje kórsetti. Ózderińiz jaqsy bilesizder, Ershat qajy – qazir meniń orynbasarym. Jańa mindetterdi atqaryp jatyr. Osy rette ózimniń jáne Ǵulamalar keńesi atynan Ershat Aǵybaıulyna aıryqsha alǵysymdy bildiremin. Alla razy bolsyn. Endigi kezekte bul jaýapty qyzmetti Ýaǵyz-nasıhat bóliminiń meńgerýshisi Batyrjan qajy Mansurov abyroımen atqarady degen senimdemin. Tájirıbesi men bilimi jetkilikti. Úılestirý jumystaryn jańa deńgeıge kóteredi dep esepteımin», - dedi.

QMDB Tóraǵasy Naýryzbaı qajy Taǵanulynyń bul usynysyna Ǵulamalar keńesiniń músheleri oń pikirin bildirip, Batyrjan Mansurovtyń kandıdatýrasyn biraýyzdan qoldap, daýys berdi.

Májilis sońynda Bas múftı elimiz ben jerimizdiń ıgiligi úshin duǵa jasady.