Bas múftıler Bas meshittegi juma namazyna qatysty (FOTO)

Búgin Elordamyzdaǵy respýblıkalyq «Áziret Sultan» meshitinde elimizdiń Bas múftıleri bastaǵan Qazaqstan musylmandarynyń kezekten tys IH Quryltaıynyń delegat qonaqtary bir qatarda sap túzep, qasıetti juma namazyn oqydy. Qasıetti juma namazyna jıylǵan jamaǵatqa búgingi Quryltaı habaryn jetkizip, Serikbaı qajy Oraz óziniń qoshtasý lebizin bildirdi. Qazaqstan musylmandarynyń Bas múftıligi qyzmetin Bas meshit jamaǵatyna jaqynnan tanys Naýryzbaı qajy Taǵanuly jalǵastyratyn jetkizip, óziniń júrekjardy tilegin aıtty.

Qasıetti jumadaǵy berekeli basqosýǵa qazaq eliniń  2012-2017 jyldar aralyǵyndaǵy Bas múftıi Erjan qajy Malǵajyuly da qatysyp, jańa múftıdi qyzmetimen quttyqtady. Naýryzbaı qajy Taǵanulynyń QMDB tarıhyndaǵy jemisti eńbekterine toqtalyp, asyl dinimizdiń damýyna qosqan úlesine ózi kýá bolǵan kezeńdermen bólisti.

QMDB tarıhyndaǵy úsh múftıdiń bir-birine kórsetken ystyq yqylasy men qurmetine Bas meshit jamaǵaty da rııasyz súısinip, súıinshi habardy qýanyshpen qabyldady. Asyl dinimizdiń damýy jolynda aıanbaı qyzmet etken azamattar arasyndaǵy birliktiń – berekege, qurmettiń – merekege jol ashqanyna kýá boldy. Namaz sońynan jamaǵat bolyp qol jaıyp, duǵa jasaldy.

Sýretterdi «FOTOGALEREIa» aıdarynan kóre alasyzdar!