Bas múftıdiń meshitterdiń ashylýyna qatysty úndeýi

Asa qamqor, erekshe meıirimdi Allanyń atymen bastaımyn!

Qurmetti baýyrlar!

Qasıetti kitabymyz Quranda: «Rasynda, qıyndyqpen birge jeńildik bar. Alla senderge jeńildik qalaıdy», – delingen.

Mine, Allaǵa shúkir, elimizde tótenshe jaǵdaı merzimi aıaqtalyp, halqymyz qalypty ómir tirshiligine aýysa bastady.  

Alaıda karantın rejıminiń talaptaryn qatań saqtap, saqtyq sharalaryna asa mán berýimiz qajet.

Qýanyshty habar, 2020 jyldyń 18 mamyrynan bastap elimizdegi barlyq meshitterimiz arnaıy sanıtarlyq talaptardy saqtaı otyryp ashylady.

Osy ýaqyttan bastap musylman qaýymynyń jeke qulshylyq jasaýyna, Quran oqytyp, neke qıdyrýyna bolady.

Al jamaǵatpen oqylatyn namazdardyń merzimin aldaǵy ýaqytta qosymsha habarlaıtyn bolamyz.

Jeke qulshylyq kezinde, Quran oqytý, neke qıdyrý rásimi barysynda karıntan talaptyran qatań eskerýlerińizdi suraımyz. Ózimizge qamqorlyq – ózgelerge qamqorlyq ekenin esten shyǵarmaıyq.

Qadirli qaýym!

Bıyl qasıetti Ramazan aıynyń karantın jaǵdaıynda ótýi saýapty amaldar men ıgi sharalarǵa kedergi keltirmedi. Meshit tarapynan 100 myńǵa jýyq kómekke muqtaj otbasylarǵa qaıyrymdylyq jasaldy.

Aýyzashar asy tegin taratyldy. Saýaptar eselenip jazylatyn berekeli aıda ıgi iske atsalysqan barsha azamatqa aıryqsha alǵysymdy bildiremin. Alla razy bolsyn!  

«Qaıyrymdylyq jasasań – qaıyryn óziń kóresiń» dep halqymyz aıtqandaı, ıgi amaldyń saýaby eselinip, qaıyryn ózderińiz kórińizder dep tileımin.

Alla Taǵala jer betinen juqpaly indetti joıyp, meshitterimizdi jamaǵatqa toltyryp, berekeli, merekeli sátterde júzdesýdi jazǵaı! Elimiz aman, jerimiz tynysh, táýelsizdigimiz baıandy bolǵaı! Ámın!

QAZAQSTAN MUSYLMANDARY DINI BASQARMASYNYŃ BARLYQ MEShITTERINDE ATQARYLATYN IS-ShARALAR

 Meshitterde jeke namaz oqýǵa qoıylatyn talaptar: 

• Tek jekelegen túrde namaz oqýǵa ruqsat etiledi. Meshitterde jamaǵatpen (bes ýaqyt namaz, juma namazy, taraýyq namazy) namazdar oqylmaıdy;
• Meshitke jeke qulshylyqqa kelgen azamat nemese azamatsha uzaq ýaqyt meshitte bolmaýy tıis. Meshitte bolý ýaqyt uzaqtyǵy – 15 mınýt;
• Namaz oqýshylardyń araqashyqtyǵy 1,5 metr bolýy kerek jáne arnaıy belgilengen oryndarda namaz oqyp, namaz oqyp bolǵanan soń meshitten birden shyǵyp ketý;
• Meshitke keletin adam sanyn dinı ǵımarttyń jalpy paıdaly aýdanynyń 30 paıyzynan artyq toltyrmaý;
• Meshitte qol alyspaý kerek;
• Meshitterde aýa almasý júıesi jaqsy júrý úshin barlyq esikterdi ashyp qoıý qajet;
• Ár 3 saǵat saıyn namaz oqıtyn zaldardy zalalsyzdandyrý jumystaryn júrgizý qajet;
• Namaz oqıtyn zaldarda ımamdar jáne namaz oqıtyn adamdar mindetti túrde betperde jáne medıtsınalyq qolǵappen bolý kerek;
• Jasy úlken kisiler, densaýlyǵy nashar adamdar (er jáne áıel) jáne jas balalar namazdaryn úılerinde oqyǵany abzal;
• Meshit dárethanalaryn qoldaný barysynda araqashyqtyqty jáne santıtarlyq talaptardy saqtaýy tıis;
• Meshittiń kireberisinde turǵan antıseptıkalyq quraldardy paıdalaný qajet;
• Meshitke kirý bólek esikten jáne shyǵý bólek esikter arqyly bolýy tıis.

 Meshitte Quran oqytýǵa qatysty talaptar: 

• Quran oqytýǵa kelýshiler arasynda araqashyqtyqty (10 adamnan artyq kirgizbeý) saqtaý;
• Quran oqytýǵa kelýshilerdiń aralary 1,5 metr qashyqtyqty saqtaý jáne arnaıy belgilengen oryndarǵa otyrý;
• Quran oqıtyn bólmelerge ımamdar jáne kelýshiler mindetti túrde betperdemen otyrý;
• Gıgıenalyq talaptarǵa sáıkes bata jasaý (bet sıpaý jáne t.b.);
• Ár 3 saǵat saıyn Quran oqıtyn bólmeni jeldetip otyrý;
• Quran oqıtyn bólmege kirmes buryn antıseptıkalyq quraldardy paıdalaný;
• Quran oqıtyn bólmege kirý bólek esikten jáne shyǵý bólek esikter arqyly bolýy tıis. 

Neke bólmelerindegi is-sharalarǵa qatysty talaptar: 

• Neke qııýǵa sharıǵat talaptaryna sáıkes, neke bólmesinde kýágerlerden basqa adamdar bolmaýy tıis;
• Neke qııýshylardyń aralary 1,5 metr qashyqtyqty saqtaý jáne arnaıy belgilengen oryndarǵa otyrý;
• Neke zaldarynda ımamdardyń jáne kelýshilerdiń betperde jáne medıtsınalyq qolǵappen bolý kerek;
• Neke qıyp bolǵan soń birden meshitten shyǵýy kerek;
• Neke qııý bólmesine kirýden aldyn antıseptıkalyq quraldardy paıdalaný qajet;
• Ár 3 saǵat saıyn neke zaldaryn zalalsyzdandyrý qajet.

Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy,
Bas múftı