Bas múftı «Jýsan-2» operatsııasy boıynsha suhbat berdi (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz «Jýsan-2» operatsııasyna qatysty «Habar 24» arnasyna suhbat berdi.

Belgili telejýrnalıst Zeıin Álipbek júrgizgen baǵdarlamada Bas múftı:

«Qazaqstan óz azamattarynyń álemniń qaı qıyrynda júrgenine qaramastan olardyń taǵdyryna qashan da alańdaıdy. «Jýsan» operatsııasynyń jalǵasy boıynsha júzege asqan bul gýmanıtarlyq shara sonyń aıqyn kórinisi. Lańkestik uıymdardan zardap shekken azamattarǵa memleket tarapynan moraldyq, materıaldyq turǵydan jan-jaqty kómek kórsetilýde. Qoǵamǵa beıimdeý jumystarynyń nátıjesinde olar qyzmetke ornalasyp, aǵaıyn-týystarymen qaýyshty, al balalary bala-baqshaǵa barýda. Ókpege qısaq ta, ólimge qımaıtyn halyqpyz ǵoı», – dep atap ótti.

Baǵdarlama búgin, 2019 jyldyń 17 mamyrynda saǵat 21:30-da «Habar 24» arnasynan kórsetiledi.