Bas múftı JANT múshelerine dáris oqydy (FOTO)

Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Jergilikti aqparattyq-nasıhat toby múshelerine onlaın rejımde dáris oqydy.

«Ýaǵyzshy – dinniń asyl qundylyqtaryn halyqqa jetkizýshi tulǵa. Ýaǵyzshy degenimiz – ustaz. Demek din qyzmetkeri – musylman jamaǵatyn tárbıeleýshi tulǵa. Bul – paıǵambarlardan qalǵan mıras. Ardaqty Paıǵambarymyz (oǵan Allanyń salaýaty men sálemi bolsyn): «Men muǵalim retinde jiberildim» degen. Demek ýaǵyzshy – izgilikti úıretýshi ustaz.

Biz keshegi ótken rýhanı shamshyraqtarymyzdyń izin jalǵaıtyn izbasar bolýǵa áreket etýimiz kerek. Din men dástúrimizdi sabaqtastyryp, babalardan mıras bolyp, qanymyzǵa sińgen ımandylyqty óskeleń urpaqqa jetkizýde erekshe qyzmet etýimiz kerek. Alla Taǵala elimizge amandyq, Otanymyzǵa tynyshtyq bersin. Barshańyzdyń jumystaryńyzǵa tolaǵaı tabys tileımin» dedi Bas múftı Naýryzbaı qajy Taǵanuly.