Bas múftı jańa ǵımaratta Bas keńesshimen kezdesti (FOTO)

Astanada, jýyrda qoldanýǵa berilgen jańa ǵımaratta Qazaqstan musylmandary dinı basqarmasynyń tóraǵasy Serikbaı qajy Oraz Túrkııanyń Qazaqstandaǵy Tótenshe jáne Ókiletti elshisiniń din isteri jónindegi Bas keńesshisi Galıb Akyn myrzany qabyldady.

Mártebeli meıman ýaqyt bólip, resmı qabyldaýǵa múmkindik jasaǵan Bas múftıge alǵysyn jetkizdi. Sonymen qatar, zəýlim ǵımarat Astana qalasynyń səýletine aıryqsha sən berip turǵanyn jetkizdi. Qonys qutty bolsyn aıtqan Bas keńesshi múftııattyń jańa ǵımarattaǵy jańa jumystaryna bereke tiledi.

Kezdesýde Bas múftı men Bas keńesshi Qazaqstan men Túrkııa musylmandary dinı basqarmalary arasyndaǵy kelisim aıasynda júzege asyp jatqan jobalar jaıly áńgimelesti. Galıb Akyn Túrkııa tarapynan Qazaqstan múftııatyna qoldaý kórsetý sharalary jalǵasa beretinine senim bildirdi.

Óz kezeginde QMDB tóraǵasy Serikbaı Satybaldyuly din qyzmetkerleriniń baýyrlas elde bilim alýyna jan-jaqty múmkindik jasaǵan túrkııalyq áriptesterine aıryqsha alǵysyn aıtty. Sonymen qatar, Astanada Túrkııadaǵy Hasekı syndy akademııalyq dərejede dinı bilim beretin irgeli oqý ornyn ashýdy usyndy.

Galıb Akyn bul ıgi usynysqa qatysty oń pikirin bildirdi.