BAS MÚFTI TÚRKI ELDERI MÚFTILER KEŃESINIŃ OTYRYSYNA QATYSTY (FOTO)

25 qarasha 2023 819 0
Оqý rejımi

Búgin Tashkent qalasynda Túrki memleketteri uıymyna qarasty Túrki elderi múftıleriniń tórtinshi otyrysy ótti.

Alqaly jıynǵa Túrki memleketteri uıymynyń bas hatshysy Kýbanıchbek Omýralıev, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Ózbekstan musylmandary dinı basqarmasynyń tóraǵasy, Bas múftı Nýrıddın Holıqnazarov, Túrkııa Din isteri basqarmasynyń basshysy, Bas múftı Alı Erbash, Kavkaz musylmandary basqarmasynyń tóraǵasy, sheıh-ýl Islam Allashúkir Pasha-Zade, Túrikmenstan musylmandary basqarmasynyń jetekshisi, múftı Ialkap Hodjakýlıev, Qyrǵyzstan musylmandary dinı basqarmasy Ǵulamalar keńesiniń tóraǵasy Abdımanap Masalıev qatysyp, baıandama jasady.

Jıynda aldymen Quran aıattary oqylyp, duǵa jasaldy. Bas hatshy Kýbanıchbek Omýralıev Túrkitildes elder múftıleri keńesiniń mańyzyna toqtalsa, Naýryzbaı qajy Taǵanuly keńes jumysyn jandandyrýǵa qatysty usynystaryn jetkizdi. «Túrkitildes memleketterdiń múftıler keńesin qurýdaǵy maqsat – túrkitildes halyqtardyń yntymaqtastyǵy men baýyrlastyǵyn odan ári nyǵaıtý, sondaı-aq túrki dúnıesiniń tarıhı, rýhanı jáne mádenı murasyn saqtaý baǵytynda qabyldanǵan sheshimder men bastamalardy iske asyrýdy jan-jaqty qoldaý bolatyn. Sol sebepti keńes jumysyn odan ary qaraı jandandyryp, Qazaqstan, Ózbekstan, Túrkııa, Ázerbaıjan, Qyrǵyzstan, Túrikmenstan dinı basqarmalary arasynda tájirıbe almasýlar uıymdastyryp, birlesken ǵylymı, tanymdyq, tájirıbelik is-sharalar legin kóbeıtýimiz qajet» dedi Naýryzbaı qajy Taǵanuly.

Bas múftı baıandamasynda bul baǵytta Islam qundylyqtary men rýhanııatyn dáripteı otyryp, túrki halyqtarynyń dinaralyq baılanystyn arttyrý; násildik, dinı, Etnıkalyq bólinýshilikterge jol bermeı, saıası ıdeologııalyq arandatýshylyqqa qarsy turý; Túrki múftıleri keńesi aıasynda birlesken ǵylymı-rýhanı ortalyqtar quryp, ǵalymdar men oqytýshylardyń, shákirtterdiń tájirıbe almasýyna jaǵdaı jasaý; túrki dúnıesine ortaq dinı, dástúrli merekeler men túrki halyqtaryna ortaq kórnekti din, ult qaıratkerleriniń mereıtoılaryn birlesip ótkizý; Islam týrızmin damytýǵa arnalǵan birlesken is-sharalardy atqarý;  túrkitildes elderdiń sırek kezdesetin rýhanı, dinı, mádenı muralaryn, qoljazbalaryn saqtaý isinde tájirıbe almasyp, kóshpeli kórmeler uıymdastyrý sekildi bastamalardy atap ótti. Jıynǵa qatysqan Túrkııa, Ózbekstan, Túrkimenstan múftıleri de Tashkenttegi basqosýdyń mańyzdylyǵyna toqtaldy.

Aıta keteıik, Túrki elderi múftıleriniń buǵan deıingi basqosýlary Stambul (Túrkııa), Baký (Ázerbaıjan) jáne Túrkistanda (Qazaqstan) ótken bolatyn.

 

Pіkіrler Kіrý