Bas múftı tóraǵalyǵymen ortalyq apparat jınalysy ótti (FOTO)

Búgin Elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń Ortalyq apparat jınalysy ótti. Jınalysqa QMDB Tóraǵasynyń orynbasary Ershat Aǵybaıuly, QMDB Apparat basshysy Ǵylymbek Májıev, sonymen qatar bólim meńgerýshileri men mamandar qatysty.

Májiliste sharıǵat jáne pátýa máselesine qatysty jamaǵat tarapynan jıi qoıylatyn suraqtardyń jaýaby toptastyrylǵan kitap shyǵarý, RANT jáne JANT múshelerine oqý-ádistemelik qural daıyndaý, juma ýaǵyzy kitabyn ázirleý, jastarǵa, qyz-kelinshekterge tanymdyq eńbekter ázirleý, ımamdardyń biliktiligin arttyrý maqsatynda arnaıy bilim saıysyn ótkizý, meshit janyndaǵy saýat ashý kýrsynyń oqý baǵdarlamasyn jetildirý, t.b. máseleler talqylandy.

«Talqylanǵan baǵyttar boıynsha belsendi jumys nátıjesin kórsetýdi tapsyramyn. Ár bólim ózine júktelgen mindetti ýaqytyly ári sapaly oryndasa, jaqsy nátıjelerge qol jetkizemiz» dep atap ótti Bas múftı Naýryzbaı qajy Taǵanuly.

Kezdesý sońynda QMDB Tóraǵasy múftııat qyzmetkerlerine naqty tapsyrmalar berdi.