BAS MÚFTI TÓRAǴALYǴYMEN KEZEKTI «BÓLIM SAǴATY» ÓTTI

Búgin Astanada Qazaqstan musylmandary dinı basqarmasynda Bas múftı Naýryzbaı qajy Taǵanulynyń tóraǵalyǵymen «Bólim saǵaty» jobasy aıasynda kezekti jıyn ótti.
Jıyn barysynda QMDB janyndaǵy «Halal damý» standarttaý jáne sertıfıkattaý ortalyǵynyń dırektory Aıbek Atashev esep berip, jumys josparymen bólisti.
Aıbek Asqarbekuly ortalyqtyń zerthanalyq jumysy, aýdıt júrgizý baǵytyndaǵy is-sharalary, kásiporyndarǵa «halal» belgisi boıynsha sertıfıkat berý tártibi jaıly baıandama jasady.
Onyń aıtýynsha, QMDB janyndaǵy «Halal damý» standarttaý jáne sertıfıkattaý ortalyǵy osyǵan deıin 1727 kásiporynǵa arnaıy sertıfıkat bergen. Onyń 19-yn sheteldik kásiporyn alǵan. Ótken jyly «QMDB halal» tańbasymen 10 myń tonnaǵa jýyq ónim shetelge Eksporttalǵan.
Jıynda QMDB qyzmetkerleri halal standarttaý salasyn damytýǵa qatysty oı-pikirleri men usynystaryn ortaǵa saldy. Bas múftı ortalyq jumysyn jetildirý boıynsha naqty tapsyrmalar júktedi.

​