Bas múftı tikeleı Efırde «Jýsan» operatsııasyna qatysty suhbat berdi (FOTO+VIDEO)

Qazaqstan musylmandary dinı basqarmasynyń tóraǵasy Serikbaı qajy Oraz Qazaqstan ulttyq arnasyndaǵy «Apta» aqparattyq-saraptamalyq baǵdarlamasyna «Jýsan» operatsııasyna qatysty suhbat berdi.

«Rasynda, Elbasy qamqorlyǵymen qantógis pen ozbyrlyqtyń oshaǵyna aınalǵan Sırııadan jalǵan urandar men úmitterdiń, sharıǵatqa qaıshy senimniń qurbany bolǵan 47 otandasymyz Otanymyzǵa oraldy. Memleket qashan da azamattarymyzdyń qaı jerde júrgenine qaramastan olardyń qaýipsizdigin qamtamasyz ete bermek. Beınelep aıtqanda, memleketimiz taǵdyry təlkekke túsken 47 adamdy jer betindegi tamuqtan arashalap aldy. Halqymyzda: «Oraza, namaz – toqtyqta», - demeı me? Din toqshylyq pen beıbitshilik zamanda ǵana órkendeıdi. Qulshylyq pen tirshilik beıbit kezeńde berekeli bolady. Muny ər azamat jadynan shyǵarmaýy tıis», – dep atap ótti Serikbaı Satybaldyuly.

Bas múftı suhbat barysynda Dinı basqarmanyń halyqty dinı aǵartý salasy boıynsha atqaryp jatqan jumystary jaıly baıandap berdi.