Bas múftı: Telefonǵa telmirgen balaǵa kómektesýimiz kerek (FOTO)

Búgin QMDB janyndaǵy Áıel-qyzdar sektorynyń aımaqtaǵy ókilderimen kezdesken Bas múftı Serikbaı qajy Oraz balalar arasyndaǵy álimjettik, telefonǵa «táýeldilik», t.b. urpaq tárbıesine qatysty máseleler jaıly oılarymen bólisti.

«Ózderińiz bilesizder, qazir qoǵamda telefonǵa «táýeldilik» degen úrdis beleń aldy. Búldirshinder bylaı tursyn, telefonǵa telmirgen eresek adamdardy jıi kezdestiremiz. Kóp jaǵdaıda ata-analar ony oınatýdyń nemese jubatýdyń quraly retinde beredi. Bul qanshama balalardyń densaýlyǵyna zııan keltirýde. Sizder ana, ustaz retinde osy máselege jiti mán berip, telefonǵa telmirgen balaǵa kómektesýdiń jan-jaqty ádisteri jaıly oılanyp, naqty usynys berseńizder. Bala tárbıesine qatysty taǵy bir másele – mekteptegi álimjettik oqıǵalar. Áıel-qyzdar sektory osy túıtkilderge tereń mán berýi tıis», – dep atap ótti Bas múftı Serikbaı qajy Satybaldyuly.

Sonymen qatar, QMDB Tóraǵasy S.Oraz destrýktıvti aǵym ókilderi arasynda túsindirý jumystaryn júrgizýge qatysty kópshilik eleı bermeıtin tásilder jaıly óz oıyn ortaǵa saldy.