Bas múftı tekserý komıssııasynyń alǵashqy jınalysyn ótkizdi (FOTO)

Elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Tekserý komıssııasynyń alǵashqy jınalysy ótti.

Jınalysqa QMDB Apparat basshysy Ǵ.Májıev, Tekserý komıssııanyń tóraǵasy, «Nur Múbárak» ýnıversıtetiniń dotsenti, A.Álmuhamedov, kómıssııa músheleri – QMDB Meshit isteri bóliminiń meńgerýshisi M.Jappasbaev, QMDB-nyń Nur-Sultan qalasy boıynsha esepshisi Q.Qaısenov qatysty.

Bas múftı Naýryzbaı qajy Taǵanuly Tekserý komıssııasynyń jumys josparyn tyńdap, dinı saladaǵy qarjylyq ashyqtyqty qamtamasyz etýdi tapsyrdy. Kezdesýde sóz alǵan komıssııa músheleri Bas múftı tapsyrmasy men ózine júktelgen mindetti tııanaqty túrde oryndaıtyndaryn jetkizdi.        

Aıta ketsek, elordada 2020 jyly 7 aqpanda ótken Qazaqstan musylmandarynyń kezekten tys IH quryltaıynda delegettardyń daýys berýimen Tekserý komıssııasy bekitilgen bolatyn. Komıssııa mindeti – dinı saladaǵy qarjy ashyqtyǵyn qadaǵalap, esep-qısap jumystaryna monıtorıng jasaý.