BAS MÚFTI TARAÝYQ NAMAZYNDA ÝAǴYZ AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ramazan aıynyń ekinshi kúni elordadaǵy «Áziret Sultan» meshitinde ýaǵyz aıtty.

Taraýyq namazyna jınalǵan jamaǵatqa Bas múftı atalmysh ǵıbadattyń artyqshylyǵyn, mańyzyn baıandady.

«Ramazan aıynda musylman adamnyń mán berýi qajetti bolǵan mańyzdy ǵıbadattardyń biri – taraýyq namazyn oqý. Taraýyq namazyn oqý – bekitilgen súnnet. Ardaqty Paıǵambarymyz (oǵan Allanyń salaýaty men sálemi bolsyn): «Ramazan aıynda shynaıy senimmen ári yqylaspen túndi namaz oqyp ótkizgen adamnyń burynǵy kúnálary keshiriledi», – degen. Iaǵnı, Ramazan aıynda shynaıy yqylasymen taraýyq namazyn oqýshy adamnyń ótken kúnálaryn Alla Taǵala keshiredi» dedi QMDB Tóraǵasy.

Budan keıin Bas múftı jamaǵatpen birge taraýyq namazyn oqyp, el ıgiligi men amandyǵy úshin duǵa jasady.

​