BAS MÚFTI ShYǴARMAShYLYQ TOP MÚShELERINIŃ KEZEKTI JINALYSYN ÓTKIZDI (FOTO)

Astana qalasynda QMDB Tóraǵasy, Bas múftı Naýryzbaı qajy Taǵanuly múftııat janyndaǵy shyǵarmashylyq top múshelerimen kezdesti. Kezdesýde jyl sońyna deıin shyǵarý josparlanǵan birqatar kitaptardyń mazmuny talqylandy.

«Ózderińiz bilesizder, osyǵan deıin MUFTIYAT baspasynan «Tabys teorııasy (musylman motıvatsııasy)», «Ramazan orazasyna qatysty pátýalar», «Jannatpen súıinshilengen 10 sahaba», «Paıǵambar hadısteri men qazaq maqal-mátelderi», «Qurbandyq pátýalary», «Sopylyq syry», «Ihsan – rýhanı tárbıe negizi», «Pátýalar jınaǵy IV», syndy birqatar kitap jaryq kórdi. Endi baspa salasy boıynsha aldymyzda turǵan úlken mindettiń biri – «Islam Entsıklopedııasynyń» I, II, III tomdaryn, «Babalar izimen: Qazaq dalasyndaǵy musylmandyq mektep», «Din men dástúr III», «Erekshe kórkem esimder», «Oısalar oqıǵalar», «Islam jáne izgi qoǵam» t.b. kitaptardy shyǵarý. Alla qalasa, bul mindetti de abyroımen atqaryp shyǵamyz degen senimdemin» dedi Bas múftı Naýryzbaı qajy Taǵanuly.

Jıynda shyǵarmashylyq top músheleri Bas múftıge ózderine júktelgen jumystar jaıly baıandap berdi. Basqosý sońynda QMDB Tóraǵasy musylman jamaǵaty úshin mańyzdy bolǵan eńbekterdi josparlanǵan merzimde shyǵarýǵa nazar aýdaryp, naqty tapsyrmalar berdi.

​Derekkóz: QMDB Baspasóz qyzmeti