BAS MÚFTI ShETELDIK QONAQTARDY QABYLDADY

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly «Nur-Múbarak» Egıpet ıslam mádenıeti ýnıversıtetiniń 25 jyldyq mereıtoıyna arnaıy kelgen Ózbekstan jáne Qyrǵyzstan delegatsııalarynyń ókilderin qabyldady.

Kezdesýge Ózbekstan musylmandary dinı basqarmasy tóraǵasynyń orynbasary, professor Muhammedálım Muhammedsıdıkov, Ózbekstan Halyqaralyq ıslam akademııasynyń akademııalyq máseleler jónindegi prorektory Mahfýza Alımova, Qyrǵyzstan musylmandary dinı basqarmasynyń Kadrlar jáne is qaǵazdaryn júrgizý bóliminiń mamany Tynychtyk Týlobaev, I.Arabaev atyndaǵy Qyrǵyz memlekettik ýnıversıteti Dintaný ınstıtýtynyń dırektory Nýrbek Bolotovıch Shamralıev jáne Qyrǵyz-Túrik Manas ýnıversıteti Teologııa fakýltetiniń dekany, doktor, professor Hýseın Akıýz qatysty.

Qabyldaý barysynda baýyrlas elder arasyndaǵy rýhanı baılanysty nyǵaıtý, dinı bilim berý jáne ǵylymı-aǵartýshylyq baǵyttaǵy yntymaqtastyqty damytý máseleleri sóz boldy.

Bas múftı mártebeli meımandarǵa iltıpat bildirip, ortaq rýhanı murany dáripteý, dástúrli ıslam qundylyqtaryn nasıhattaý jáne dinı bilim salasynda tájirıbe almasýdyń mańyzyna toqtaldy.

​