Bas múftı sheteldegi qazaqstandyq stýdentterdiń «Talaba» qaýymdastyǵynyń jetekshisin qabyldady (FOTO)
Búgin QMDB tóraǵasy, Bas múftı Serikbaı qajy Oraz sheteldik oqý oryndarynda dinı bilim alyp jatqan qazaqstandyq stýdentterdiń «Talaba» qaýymdastyǵy múshelerimen kezdesý ótkizdi. Keleli basqosýǵa QMDB Birinshi naıb múftı Naýryzbaı qajy Taǵanuly, Dinı bilim jáne kadr daıyndaý bóliminiń meńgerýshisi Beıbit Myrzageldıev jáne «Talaba» stýdentter qaýymdastyǵynyń jetekshisi Jakıev Tilepbergen qatysyp, sheteldegi Qazaqstan jastarynyń jaı-kúıi talqylandy.
Kezdesý barysynda Bas múftıge stýdentter qaýymdastyǵynyń qurylý maqsaty men jumys jospary tanystyryldy. Osyǵan oraıda, QMDB Dinı bilim jáne kadr daıyndaý bólimi ázirlegen jumys josparymen birlese otyryp atqarylatyn sharalar legi toptastyryldy.
Aıta keteıik, «Talaba» stýdentter qaýymdastyǵy shetelde dinı bilim alyp jatqan qazaqstandyq jastar men QMDB arasynda tyǵyz baılanys ornatyp, ártúrli aǵymdar men dinı toptardyń jeteginen saqtandyryp, áleýmettik kómekpen qoldaý jasaý maqsatynda qurylǵan bolatyn.
