Bas múftı sezd hatshylyǵynyń kezekti otyrysyna qatysty (FOTO)

Elordada Álemdik jáne dástúrli dinder lıderleri sezi XVIII hatshylyǵynyń otyrysy ótti. Otyrysqa QR Parlamenti Senatynyń tóraǵasy – Álemdik jáne dástúrli dinder lıderleri sezi hatshylyǵynyń basshysy Darıǵa Nazarbaeva tóraǵalyq etti.

Hatshylyq jumysyna Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz, sonymen qatar dástúrli dinder kóshbasshylary qatysty.

«Álemdik jáne dástúrli dinder lıderleriniń birinshi sezi ótken kezden beri 16 jyl ótti. Sol sátte qonaqjaı qazaq jeri alǵash ret beıbitshil, dostyq peıildi jáne jemisti konfessııaaralyq dıalogty júrgizý úshin ashyq alańǵa aınalǵan bolatyn. QR Tuńǵysh Prezıdenti – Elbasy Nursultan Nazarbaev álemdik jáne dástúrli dinder lıderleriniń sezin ótkizý ıdeıasynyń avtory boldy», - dedi otyrysty ashqan Senat spıkeri.

Búgingi otyrysta Álemdik jáne dástúrli dinder lıderleriniń VI Sezd qorytyndylary men Hatshylyq qyzmetiniń keleshegi sóz boldy. Sonymen qatar6 2021 jyly VII Sezd ótkizý boıynsha usynystar talqylandy.

Kezdesýden keıin Bas múftı Serikbaı qajy Satybaldyuly din lıderlerimen pikir almasyp, memlekettik telearnalarǵa suhbat berdi.

​