Bas múftı Senat tóraǵasymen kezdesti (FOTO)

18-qyrkúıekte ótetin Álemdik jáne dástúrli dinder lıderleri Sezi Hatshylyǵynyń XVIII otyrysy qarsańynda Qazaqstan musylmandary dinı basqarmasynyń tóraǵasy Serikbaı qajy Oraz Parlament Senatynyń Tóraǵasy Darıǵa Nazarbaevamen kezdesti.

Darıǵa Nazarbaeva Álemdik jáne dástúrli dinder lıderleri Seziniń Hatshylyǵyna daıyndyq týraly aıtty. Senat Tóraǵasy dinı forýmnyń mańyzyna toqtala kelip, ultaralyq jáne dinaralyq úılesimdi saqtaý jáne ony nyǵaıtý qajettigin atap ótti.

Kezdesý barysynda ımamdardar jalaqysynyń tómendigi, bilikti kadrlar daıarlaý jaıy da talqylandy. Bas múftı bıylǵy jyly bir jarym myńnan astam teolog daıarlanǵanyn, alaıda olardyń 800-i eńbekaqynyń tómendigine baılanysty mamandyǵy boıynsha jumys istemeıtindigin aıtty. Serikbaı qajy Oraz osy máseleni sheshýge járdemdesý týraly ótinishin jetkizdi. Tóraǵa bul másele zań shyǵarýshylar nazaryna usynylyp, talqyǵa salynatyn habarlady.

Bas múftı Nur-Sultan qalasynda III respýblıkalyq ımamdar forýmy ótetini jaıly baıandap, ıgi sharanyń mańyzdylyǵyna toqtaldy. Sondaı-aq, Nur-Sultan qalasynda «Hasekı» ýnıversıtetiniń fılıaly qurylyp, onda teolog-magıstranttar daıarlanatynyn jetkizdi. Darıǵa Nazarbaeva bul sheshimniń mańyzdylyǵyna nazar aýdardy.

Kezdesý barysynda Qazaqstandaǵy dinı mamandar tizilimi men musylmandardy jerleýdiń biryńǵaı standartyn jasaý, halyqqa túsindirý jumystaryn júrgizý, sondaı-aq QMDB jumysynda sandyq tehnologııalardy engizý máseleleri de sóz boldy.