Bas múftı Reseıdiń Bas meshitinde ýaǵyz aıtty (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Reseı Federatsııasyna jasaǵan resmı sapary barysynda qasıetti juma kúni atalǵan eldiń eń úlken meshitinde jamaǵatqa «Ramazan jáne musylman úmbetiniń birligi» taqyrybynda ýaǵyz aıtty.

«Qadirli baýyrlar, ápke-qaryndastarym! Ramazan – taqýalyq pen tárbıeniń, qaıyrymdylyq pen meıirimniń aıy. Bul aıda Allaǵa unamdy árbir amaldyń saýaby eselenip jazylady. Paıǵambarymyz Muhammed (oǵan Allanyń salaýaty men sálemi bolsyn) óziniń hadıs-sharıfinde: «Senderdiń aralaryńda eń jaqsylaryń – halyqqa, qaýymǵa paıdasyn tıgizgenderiń», – degen. Osy aıda halyqqa barynsha paıdamyzdy tıgizip, kómegimizdi kórsetkenimiz abzal. Ramazan – birliktiń aıy. Aýyzashar dastarhany barsha adamzatty tili men tegine bólmeı, birlikke úndeıdi. Alla Taǵala qasıetti Quranda kúlli adam balasyna bólinbeýdi buıyrǵan. Qurmetti jamaǵat! Jaratýshy Iemiz ustaǵan orazamyzdy qabyl etip, shynaıy nıetpen jasaǵan árbir qaıyrly amaldarymyzǵa mol saýaptan jazǵaı», – dep atap ótti Bas múftı Serikbaı qajy Satybaldyuly.

Máskeý Sobor meshitinde bir mezette 15 myń adam qulshylyq ete alady.