Bas múftı Qurban aıt qarsańynda alqaly jıyn ótkizdi (FOTO)

Elordada Bas múftı Serikbaı qajy Orazdyń tóraǵalyǵymen qasıetti Qurban aıtqa daıyndyq jumystaryna arnalǵan alqaly jıyn ótti.

Jıynǵa QMDB tóraǵasynyń birinshi orynbasary, «Áziret Sultan» meshitiniń Bas ımamy Naýryzbaı qajy Taǵanuly, naıb múftı Baýyrjan qajy Ábdirashuly, QMDB bólim meńgerýshileri men qyzmetkerleri qatysty.

Jınalysta Bas múftı Serikbaı qajy Satybaldyuly ár bólimniń qyzmetkerlerine ózine júktelgen mindet pen qyzmet aıasynda Qurban aıt merekesi kezinde uıymdastyrý sharalaryna belsendi túrde atsalysýdy tapsyrdy.

Jıyn barysynda Naýryzbaı qajy Taǵanuly Elorda boıynsha meshitter men din qyzmetkerleriniń ulyq meıramǵa daıyndyq jumys-josparlary jaıynda baıandady. Sonymen qatar, Nur-Sultan qalasy boıynsha belgilengen 7 orynda qurbandyq shalýǵa bolatynyn habardar etti.

«Qurban aıt – ısi musylmannyń ulyq meıramy. Biz Qurban aıt kúni atqarylatyn sharalardy joǵary deńgeıde ótkizýimiz kerek. Ár qyzmetker óz salasy boıynsha jumystardy sapaly túrde oryndaýy qajet», – dep atap ótti Bas múftı.

Kezdesý sońynda QMDB qyzmetkerlerine naqty tapsyrmalar berildi.