Bas múftı qýǵyn-súrgin qurbandaryna Quran baǵyshtap, duǵa jasady (FOTO)

Qazaqstan musylmandary dinı basqarmasynyń Tóraǵasy, Bas múftı Serikbaı qajy Satybaldyuly saıası qýǵyn-súrgin qurbandaryna arnaıy Quran baǵyshtap, duǵa jasady, dep habarlaıdy ummet.kz tilshisi.

Qadir túni qarsańynda Elordadaǵy «Nur Astana» meshitinde juma ýaǵyzyn aıtqan Bas múftı «Qýǵyn súrgin qurbandaryn eske alý» kúnine oraı, zulmat kúnderde baqılyq bolǵan babalarymyzǵa Alladan keńshilik, raqym tiledi.

«Keler jyly da jaqsy aı, jaqsy kúnge tórt kózimiz túgel jetýdi násip etsin! Birligimiz, tatýlyǵymyz, turaqtylyǵymyz baıandy bolsyn! Alla Taǵala halqymyzǵa birlik bersin! Qudaı Taǵalam bizdiń halqymyzdyń ár kezeńde júrer joly, baǵdarshamy, qoǵamnyń rýhanı tiregi bolǵan dinimizge qýat bersin.

Keshegi zulmat zamanda, náýbet kúnderde jazyqsyz ketken, qurban bolǵan babalarymyzdy Alla Ózi raqymyna alsyn! Paıǵambarymyzdyń shapaǵatynda bolsyn! Qudaı Taǵala endi bizdiń ultymyzdyń, halqymyzdyń bolashaǵyn ondaı náýbetten saqtasyn! Jaryq kúnimiz baıandy bolsyn! El aman, jurtymyz tynysh bolsyn!» dep elimiz ben jerimizge duǵa tiledi.

Alla Taǵala múftı hazirettiń duǵasyn qabyl etip, elimizdiń bolashaǵy baıandy, halqymyzdyń keleshegi kemel bolǵaı!