Bas múftı Qordaı aýdanynda juma namazyn ótkizdi (FOTO)

Búgin Jambyl oblysy Qordaı aýdanyna arnaıy issaparmen kelgen QMDB Tóraǵasy, Bas múftı Naýryzbaı qajy Taǵanuly Qarakemer meshitinde juma namazyn ótkizdi.

Bas múftı meshitke jıylǵan jamaǵatqa Otandy qorǵaý, týǵan eldiń qadiri, ymyra men yntymaqtastyq, birlik pen tatýlyq týraly ýaǵyz aıtty.

Naýryzbaı qajy Taǵanuly juma namazynan soń jergilikti aýyl halqymen tildesip, jurttyń kókeıindegi saýaldarǵa jaýap berdi. Jergilikti turǵyndar Bas múftımen suhbat barysynda aımaqtaǵy dinı ahýal jaıynda óz oı-pikirlerin aıtty.