Bas múftı «Qajylyq ortalyǵyn» ashýdy tapsyrdy (FOTO)

Elordada Bas múftı Naýryzbaı qajy Taǵanulynyń tóraǵalyǵymen ótken kezekti hattamalyq jınalysta QMDB-nyń oblystyq ókildikterinde «Qajylyq ortalyǵyn» ashý týraly másele talqylandy.

Bul ortalyqtyń qajylyq maýsymynda uıymdastyrý-úılestirý jumystaryn joǵary deńgeıge kóterýge múmkindik beretini sóz boldy.

«Oblystyq ókildikter janynan «Qajylyq ortalyǵyn» ashýdy tapsyramyn. Kóp jaǵdaıda qajyǵa barýshylar arasynda rýhanı sapardyń mańyzy men qajylyq rásimderin bilmeıtinder kezdesedi. Sondyqtan osyndaı jandar úshin arnaıy mamandar bekitilip, atalǵan ortalyqtarda túrli semınarlar uıymdastyryp, qajylyq rásimi men Alla úıin zııarat etýdiń tártibi túsindirilýi qajet. Qajylyqtyń saýaby týraly da jan-jaqty málimet berilýi kerek. «Qajylyq ortalyǵy» osyndaı mańyzdy da saýapty isterge muryndyq bolatyn úlken ortalyqqa aınalýy tıis», - dep atap ótti Bas múftı Naýryzbaı qajy Taǵanuly.

Bas múftı Naýryzbaı qajy Taǵanulynyń bul bastamasyna baılanysty QMDB-nyń oblystaǵy ókildikterine hattamalyq tapsyrmalar berildi.