BAS MÚFTI QAJYLYQ MISSIIaSYNYŃ ALǴAShQY JIYNYN ÓTKIZDI (FOTO)
QMDB ǵımaratynda Bas múftı Naýryzbaı qajy Taǵanulynyń qatysýymen Qazaqstan qajylyq mıssııasy músheleriniń alǵashqy jıyny ótti.
Jıynda qajylyq maýsymyndaǵy Qazaqstan qajylyq mıssııasynyń uıymdastyrý, úılestirý boıynsha jumystary pysyqtaldy. QMDB Tóraǵasy Naýryzbaı qajy Taǵanuly Qajylyq mıssııasynyń uıymdastyrý, ýaǵyz-nasıhat, alǵashqy dárigerlik kómek, pátýa berý jáne aqparat baǵyttary boıynsha atqaratyn is-sharalarynyń mańyzyna toqtalyp ótti.
«Osyndaı uly, saýapqa toly ulyq sapardy uıymdastyrýǵa Alla Taǵalanyń qalaýymen múmkindik alǵan ózderińizge bereke, birlik tileımin. Buıyrsa, bul sapar – syndarly sát, ári uly qulshylyq. Osy jaýapkershiligi mol ýaqytta barshańyz aıanbaı qyzmet jasaý qajettigin qaperge alýdy jetkizemin. Barshańyzǵa uly sapardaǵy ıgi isterińizdi abyroımen atqaryp kelýdi tileımin. Qajylyq – mashaqaty bar úlken qulshylyq. Qulshylyq jasaýshylarǵa aıanbaı qyzmet jasaý – árqaısyńyzǵa mindet. Elimizden baratyn 5081 qajy aman-esen qulshylyqtaryn jasap, qajylyqtary qabyl bolǵan kúıde elimizge oralsyn! Ámın» dedi Bas múftı.
Sondaı-aq QMDB Tóraǵasy mıssııa ókilderiniń mindetin naqtylap, bes paryzdyń biri sanalatyn qajylyqqa muqııat daıyndyq jasaýdy tapsyrdy.
Aıta keteıik, bıyl konkýrstyq negizde 16 týroperatorǵa jalpy sany 5081 qajylyq orny bólindi. Qajylar 2-10 maýsym aralyǵynda qasıetti saparǵa attanyp, maýsym aıynyń 21-28 aralyǵynda elge oralady dep josparlanýda. Tasymaldaý jumystary bıyl Astana, Almaty, Shymkent, Túrkistan jáne Aqtaý qalalarynan júzege asady. Qazaqstandyq qajylarǵa otandyq «Air Astana» men «SCAT», sondaı-aq «Flynas» (Saýd Arabııa Koroldigi), «Air Arabia» (BAÁ), «Jazeera» (Kýveıt) men «Turkish Airlines» (Túrkııa) syndy halyqaralyq áýe kompanııalary qyzmet kórsetedi.
