BAS MÚFTI QAZAQSTANNYŃ BUU JANYNDAǴY TURAQTY ÓKILIMEN KEZDESTI

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Nıý-Iork qalasynda Qazaqstan Respýblıkasynyń Birikken Ulttar Uıymy janyndaǵy Turaqty ókili Omarov Qaırat Ermekulymen kezdesti.

Kezdesý barysynda taraptar rýhanı dıplomatııa, dinaralyq kelisim men ózara túsinistikti nyǵaıtý, sondaı-aq halyqaralyq alańdarda Qazaqstannyń beıbitshilik pen toleranttylyqqa negizdelgen ustanymyn ilgeriletý máselelerin talqylady. Sonymen qatar sheteldegi otandastarmen rýhanı baılanysty kúsheıtý, dástúrli ıslam qundylyqtaryn nasıhattaý jáne qoǵamdaǵy turaqtylyq pen birlikti saqtaý baǵytyndaǵy yntymaqtastyq jaıy sóz boldy.

Kezdesý qorytyndysynda taraptar konfessııaaralyq tatýlyq pen órkenıetaralyq dıalogty damytý jolyndaǵy ózara is-qımyldy jalǵastyrýǵa nıetti ekenderin bildirdi.

Sondaı-aq, sapar aıasynda QMDB delegatsııasy BUU-nyń shtab-páterin aralady. Aıta ketsek, dál osy ǵımarattaǵy Bas Assambleıa zalynda Qazaqstan Respýblıkasynyń Prezıdenti Qasym-Jomart Toqaev BUU Bas Assambleıasynyń 78-sessııasynyń Jalpy debatynda qasıetti Qurandy órteý oqıǵalaryn aıyptap, dinaralyq tatýlyq pen ózara qurmettiń mańyzyn atap ótken bolatyn.













​

Источник: Aisha