Bas múftı Qazaq radıosyna arnaıy suhbat berdi

QMDB Tóraǵasy, Bas múftı Naýryzbaı qajy Taǵanuly Qazaq radıosynyń «Yqylas» habaryna arnaıy suhbat berdi.

Dinı basqarma tóraǵasy habar barysynda negizinen qazirgi jaǵdaıǵa barynsha toqtaldy. Eldegi tótenshe jaǵdaı kezindegi karantınniń musylman úmbetiniń qulshylyǵyna tıgizip jatqan áseri, karantın ýaqytyn tıimdi paıdalaný, alda kele jatqan Ramazan aıyna daıyndyq barysy men kúlli musylman álemine joldanǵan «Biz – birgemiz, tilegimiz – ortaq» atty Úndeý de suhbatqa arqaý boldy.

Sonymen qatar osy karantın kezinde kásibi toqtap, ýaqytsha qıyndyqtarǵa tap bolǵan jandarǵa meshit tarapynan jasalyp jatqan qaıyrymdylyq jumystaryn da tilge tıek etti.

Eske sala keteıik, Bas múftı juma namazy ýaqytynda barsha musylman balasyn bir ýaqytta duǵa jasaýǵa shaqyrǵan bolatyn. Qazirgi tańda kóptegen elderdiń din basshylary osy Úndeýge qoldaý bildirip, duǵaǵa qosylatyndaryn jetkizýde.